Сына экс-міністра прыроды пачынаюць судзіць за хабар
Яго бацьку Андрэя Каўтуху ў 2017-м здымалі з пасады пасля завядзення крымінальнай справы за службовы падлог.
Віктар Каўхута. Фота: СТБ
Імя Віктара Каўхуты, сына былога міністра прыродных рэсурсаў і аховы навакольнага асяроддзя Андрэя Каўхуты, з'явілася ў раскладзе судоў.
Віктару цяпер 40 гадоў і, мяркуючы па адкрытых крыніцах, ён займаў пасаду першага намесніка генеральнага дырэктара агракамбіната «Ждановічы».
Ён праславіўся тым, што спрабаваў у 2016-м годзе балатавацца ў дэпутаты і нават збіраўся скласці канкурэнцыю «атаману» Мікалаю Улаховічу. Але Каўхуту-малодшага нават не зарэгістравалі.
Малады Віктар Каўхута. Фота з ягонай старонкі Укантакце
Неўзабаве патрапіў у апалу і ягоны бацька — яго знялі з пасады міністра і завялі крымінальную справу за службовы падлог. Пасля 2017-га Андрэй Каўхута знік з публічнага поля.
Падзельнік Віктара па раскладзе судоў — Андрэй Іскандэраў. Мы не адшукалі беларусаў з такім прозвішчам. Але ёсць бізнэсмэн з Расіі, які займаўся оптавым гандлем садавінай і гароднінай. Яму 57 гадоў і ў бізнэсе ён з 1990-х. Імаверна, што пра яго і ідзе гаворка — «Ждановічы» акурат займаюцца вырошчваннем садавіны і гародніны.
Судзяць Каўхуту і Іскандэрава за атрыманне і дачу хабару. Каму што інкрымінуецца, у раскладзе суда не пазначана.
Абодвум фігурантам пагражае ад пяці гадоў турмы. Суд над імі пачынаецца 11 сакавіка.
«Наша Нiва» — бастыён беларушчыны
ПАДТРЫМАЦЬЧытайце таксама:
У Брэсце затрымлівалі і экс-мэра Рагачука, і абласнога кіраўніка Шулейку
Міністр, асуджаны за хабар на 7,5 года, верагодна, выйшаў праз паўтара — Белсат
