Лукашэнка заявіў, што спецслужбы ўкараняюцца ў «тэрарыстычныя групоўкі»
Сёння Лукашэнка ўручыў у Палацы Незалежнасці дзяржузнагароды і генеральскія пагоны прадстаўнікам вышэйшага афіцэрскага складу
Міністр абароны Віктар Хрэнін, міністр унутраных спраў Іван Кубракоў, старшыня КДБ Іван Церцель, кіраўнік СК Дзмітрый Гора, сакратар Рады бяспекі Аляксандр Вальфовіч. Фота: president.gov.by
Паводле яго слоў, у Беларусі падтрымліваецца мірнае жыццё «дзякуючы беларускім сілавікам, якія стаяць у якасці перашкоды на шляху любога ворага».
«Стаяць непераадольнай сцяной, своечасова выяўляючы і затрымліваючы дыверсантаў, праводзячы размініраванне выбуховых прылад», — асабліва Лукашэнка.
Лукашэнка падкрэсліў, што ў «нашай краіне захоўваюцца спакой і цішыня дзякуючы таму, што «нашы хлопцы ўкараняюцца ў тэрарыстычныя групоўкі з рызыкай для свайго жыцця, перакрываюць каналы паставак у краіну смяротнай зброі і боепрыпасаў, спыняюць шпіёнскую дзейнасць замежных спецслужбаў».
На яго думку, беларусы спяць спакойна таму, што баявыя аперацыі з рызыкай для ўласнага жыцця праводзяць афіцэры і генералы.
Чытайце таксама:
Каардынатар польскіх спецслужбаў паведаміў, што Лукашэнка гаворыць лухту
Іспанскія спецслужбы не сумняюцца, што за забойствам лётчыка Максіма Кузьмінава стаіць Масква
У краінах Балтыі затрымалі 11 чалавек па падазрэнні ў працы на расійскія спецслужбы
