Нацбанк выпусціць у наступным годзе 11 манет
Усе манеты будуць прысвечаныя гісторыі.
Тэматыка гісторыка-культурных каштоўнасцей будзе працягнута памятнымі манетамі:
«Старадарожскі строй» серыі «Беларускі народны касцюм», «Былінка і верабей» серыі «Беларускія народныя казкі», «Загадкі» серыі «Беларускі дзіцячы фальклор», «Бацька» серыі «Дрэва жыцця», а таксама памятнымі манетамі серыі «Гісторыя беларускай чыгункі. Цягнікі»: «Паравоз», «Цеплавоз», «Электравоз», «Дызель-цягнік», «Электрацягнік».
Выпуск памятных манет таксама будзе прымеркаваны да юбілейных дат: 80-й гадавіны вызвалення Беларусі ад нацыстаў, 30-годдзя ўводу ў абарачэнне на тэрыторыі краіны беларускага рубля, 25-годдзя падпісання Дамовы аб стварэнні Саюзнай дзяржавы, 10-годдзя заснавання Еўразійскага эканамічнага саюза і 200-годдзю з пачатку будаўніцтва Аўгустоўскага канала.
Выпуск памятных манет на прыродаахоўную тэматыку будзе прадоўжаны манетамі «Варона шэрая» серыі «Птушка года».
