Латвійскія памежнікі адкрылі стральбу, спрабуючы спыніць нелегалаў, што ішлі з Беларусі

Фота: Valsts robežsardze

8 жніўня супрацоўнікам Дзяржаўнай памежнай службы Латвіі падчас затрымання групы нелегалаў давялося ўжыць зброю. Замежнікі — чатыры індыйцы і чатыры грамадзяніны Ірана — незаконна перасеклі латвійска-беларускую мяжу, піша Delfi.lv.

Паводле звестак прэс-цэнтра ДПСЛ, падчас абыходу памежнікі выявілі ў воласці Шкаўнэс прыкметы незаконнага перасячэння дзяржаўнай мяжы. Пошук правапарушальнікаў пачаўся з прыцягнення кінолага са службовым сабакам.

У раёне пасёлка Тронішку памежнікі заўважылі парушальнікаў, якія тут жа паспрабавалі схавацца. Для іх затрымання памежнікам давялося ўжыць табельную зброю і зрабіць папераджальны стрэл у паветра.

Затрыманыя вернутыя ў Беларусь.

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

47

2

0

3

2

5