Лукашэнка пра маршы па выходных і каранавірус: Хочуць хадзіць і хварэць, хай хварэюць. Там жа грошы абяцалі вялікія
БелТА
На нарадзе па сітуацыі з каранавірусам Лукашэнкам закрануў і тэму маршаў пратэсту, што праходзяць па выходных. Яго словы цытуе тэлеграм-канал Пул першага.
«Самае галоўнае ў барацьбе з любой хваробай — берагчы сябе і сваіх родных. Калі мы не будзем самі гэтым займацца самі, ніякія дактары нас не выратуюць і не вылечаць. Тое, што адбываецца цяпер, дапусцім, на вуліцах Мінска па выходных, зразумела, якія будуць наступствы. І захворванне ў Мінску вышэйшае, чым у іншых рэгіёнах. Не, мы ні ў якім выпадку не збіраемся выкарыстоўваць гэта. Яны хутка самі зразумеюць, куды яны ўляпаліся. Таму тут няма ніякай палітыкі. Хочуць хадзіць і хварэць, хай хварэюць. Там жа грошы на Захадзе абяцаюць вялікія. Быццам 53 мільёны. Нібы тры мільёны на кішэнныя выдаткі, а 50 мільёнаў на лячэнне ад кавід», — заўважыў Лукашэнка.