У МУС запусцілі гарачую лінію для скаргаў на дарогі, якія Лукашэнка загадаў прывесці ў парадак да 9 мая
Міністэрства ўнутраных справаў з 2 мая запускае гарачую лінію, куды можна паскардзіцца на дарогі.
«З 2 мая ў грамадзян з’явіцца магчымасць паведаміць аб дэфектах дарожнага пакрыцця па адзіным нумары тэлефона (017) 218-72-92», — паведамілі ў МУС.
У ведамстве адзначылі, што гарачая лінія будзе працаваць па буднях з 10:00 да 12:00 і з 15:00 да 17:00:«Пасля апрацавання паведамлення па кожным факце будуць прыняты меры для ўхілення недахопаў».
У МУС таксама паведамілі, што з 12 красавіка ў тэлеграме працуе чат-бот @GAI_DOROGI_BOT, у які можна паведаміць аб праблемных участках.
Дзяржкантроль на сваім сайце таксама збіраў скаргі на дарогі.
У сакавіку Аляксандр Лукашэнка паставіў задачу да 9 мая аднавіць дарогі ў краіне.
«Перадайце асабіста прэм'ер-міністру, няхай пачынае займацца разам з віцэ-прэм'ерам», — гаварыў ён.
У ліпені 2023 года Лукашэнка загадваў да канца таго года прывесці ў парадак усе дарогі.
Чытайце таксама:
Жыхар Віцебшчыны паскардзіўся ў сацсетках на якасць дарог — да яго прыйшлі сілавікі
«Легендарная яма. Дзед пра яе расказваў». У Маладзечне машына правалілася пад асфальт
«Я проста ў ах*і». Беларус апублікаваў відэа дарог у Гомельскай вобласці. Асцярожна, шмат лаянкі!
