Святлана Ціханоўская наведвае Славакію
Фота з тэлеграм-канала Святланы Ціханоўскай
Святлана Ціханоўская наведвае Славакію. Яна сустрэлася з прадстаўнікамі недзяржаўных арганізацый, экспертных цэнтраў і журналістамі. Размова была пра тое, як можна дапамагчы беларускаму народу і якія крокі трэба зрабіць для пераадолення крызісу, паведамляе яе тэлеграм-канал.
Таксама яна сустрэлася з міністрам замежных спраў Славакіі Іванам Корчакам. Яны дамовіліся аб прадаўжэнні праграмы стыпендый для беларускіх студэнтаў, якая фінансуецца урадам Славакіі. Таксама размова ішла аб праграме падтрымкі экспертных і аналітычных цэнтраў для Беларусі. Міністр заявіў, што Славакія плануе адклікаць пасла з Беларусі ў знак салідарнасці з літоўскімі і польскімі калегамі.
Следам Святлана сустрэлася з прадстаўнікамі дыяспары, якія ўдзельнічалі ў акцыях салідарнасці з беларускім народам. Святлана падзякавала ім за гэтую працу і адзначыла, што падзеі на радзіме згуртавалі людзей і ўнутры краіны, і за мяжой.
