СМІ: 32 польскія дыпламаты пакінуць Беларусь да пятніцы
МЗС Польшчы прыняла рашэнне выканаць патрабаванне Мінска і скараціць штат амбасады, паведамляе Gazeta Wyborcza са спасылкай на дыпламатычныя крыніцы.
Да пятніцы, 9 кастрычніка, з Беларусі з'едуць 32 польскія дыпламаты. Паводле інфармацыі выдання, Варшава не плануе прадпрымаць аналагічны адказ у дачыненні да беларускіх дыпламатаў у Польшчы.
2 кастрычніка, адзначае tut.by, МЗС Беларусі запатрабавала ля пасольстваў Польшчы і Літвы ў нашай краіне скараціць колькасць дыпламатаў: у літоўскім пасольстве замест 25 павінна застацца 14 дыпламатаў, у польскім — замест 50 павінна застацца 18. Таксама ў МЗС Беларусі рэкамендавалі адклікаць паслоў Літвы і Польшчы на радзіму для кансультацый.
Амбасадар Польшчы Артур Міхальскі і амбасадар Літвы Андрус Пулокас пакінулі Беларусь 5 кастрычніка. Іх прыкладу рушылі ўслед і некаторыя паслы краін-членаў Еўрасаюза.
