Пасольства ЗША: «Джон Болтан сустрэнецца з Лукашэнкам, каб падкрэсліць падтрымку незалежнасці Беларусі»
«Дарадца па нацыянальнай бяспецы Джон Роберт Болтан наведае Мінск 29 жніўня. Амбасадар Болтан сустрэнецца з Прэзідэнтам Лукашэнкам і Міністрам замежных спраў Макеем, каб абмеркаваць пытанні рэгіянальнай бяспекі і падкрэсліць падтрымку ЗША суверэнітэту і незалежнасці Беларусі», — напісала ў сваім твітары амбасада ЗША ў Мінску.
Дарадца па нацыянальнай бяспецы Джон Роберт Болтан наведае Мінск 29 жніўня. Амбасадар Болтан сустрэнецца з Прэзідэнтам Лукашэнкам і Міністрам замежных спраў Макеем, каб абмеркаваць пытанні рэгіянальнай бяспекі і падкрэсліць падтрымку ЗША суверэнітэту і незалежнасці Беларусі.
У сваю чаргу, Джон Болтан у сваім твітары напісаў: «Вельмі прадуктыўная пара дзён ва Украіне. Заўтра я скіруюся ў Малдову і Беларусь, дзе я сустрэнуся з лідарамі дзвюх гэтых дзяржаў, каб абмеркаваць пытанні рэгіянальнай бяспекі. Вельмі спадзяюся на ўмацаванне нашых дыпламатычных і гаспадарчых сувязяў».
Very productive couple of days in Ukraine. Tomorrow I’ll head to Moldova and Belarus where I’ll meet with leaders from both nations to discuss regional security matters. Looking forward to strengthening our diplomatic and economic ties.
Гэта першы за 25 гадоў візіт у Беларусь амерыканскага чыноўніка такога высокага ўзроўню.
Чытайце таксама: «Прыезд Болтана азначае, што сітуацыя вакол «паглыбленай інтэграцыі» ацэньваецца амерыканцамі як сур'ёзная»
