BAFTA: Найлепшай кінастужкай названа «Аперацыя «Арга»
Фільм «Аперацыя «Арга» атрымаў новыя перамогі, заваяваўшы тры ўзнагароды Брытанскай акадэміікіно-і тэлемастацтва BAFTA, уключаючы прыз у намінацыі «найлепшы фільм».
Бэн Афлек, які зняў гэтую стужку пра вызваленых з Ірана амерыканскіх закладнікаў, быў прызнаны найлепшым рэжысёрам года. У студзені «Аперацыя «Арга» была адзначана узнагародай фестывалю «Залаты глобус», а таксама атрымала галоўны прыз Гільдыі кінаакцёраў ЗША за найлепшы акцёрскі склад.
Званне найлепшага акцёра атрымаў ДэніэлДэй-Льюіс за ролю ў знятым Стывенам Спілбергам біяграфічным фільме «Лінкальн».
Нечакана для многіх прыз за найлепшую жаночую ролю атрымала французская актрыса Эмануэль Рыва за карціну «Каханне».
Апошні фільм пра прыгоды Агента 007 «Каардынаты: Скайфол» названы самай выбітнай брытанскай стужкай мінулага года. Чарговы фільм пра Бонда здолеў абыйсці такія стужкі, як «Ганна Карэніна», «Самы лепшы экзатычны гатэль Мэрыголд», «Адрынутыя» і «Сем псіхапатаў».
Акрамя таго, «Каардынаты: Скайфол» атрымалі ўзнагароду за найлепшую арыгінальную музыку.
Найлепшай актрысай другога плана названа Эн Хэтэўэй за ролю ў мюзікле «Адрынутыя». Найлепшую мужчынскую ролю другога плана, на думку журы BAFTA, выканаў Крыстаф Вальц у фільме «Джанга вызвалены».
