Найлепшым мультфільмам года прызнаны дыснэеўскі «Ральф»

Стужка студыі Дыснэя «Ральф» («Wreck-It Ralph») уганараваная пяццю прэміямі «Эні».

«Ральф» быў прызнаны найлепшым паўнаметражным мультфільмам года. Акрамя таго, стужка была адзначана ўзнагародамі за рэжысуру (пастаноўкай займаўся Рыч Мур, які раней прымаў удзел у працы над серыяламі «Футурама» і «Сімпсаны»), музыку, агучванне персанажа (у гэтай намінацыі «Эні» атрымаў акцёр Алан Т'юдзік) і сцэнар.

Мультфільм «Ральф» распавядае пра адмоўнага персанажа з старой відэагульні, які вырашыў стаць станоўчым героем. Стужка выйшла ў пракат у лістападзе 2012 года, з поспехам ішла ў Мінску.

«Эні» - галоўная амерыканская прэмія ў галіне анімацыйнага кіно. Яна была заснавана ў 1972 годзе. 40-я цырымонія ўручэння «Эні» адбылася ў Лос-Анджэлесе 2 лютага 2013 года.

0

0

0

0

0

0