На фоне чутак пра хваробу Кадыраў прыехаў на інаўгурацыю Пуціна. Развеяць чуткі яму гэта не дапамагло
Рамзан Кадыраў прыехаў на інаўгурацыю Уладзіміра Пуціна ў Маскве. Яму было відавочна цяжка. Зняць вопратку яму дапамагалі адразу два чалавекі.
РБК апублікавала таксама фота з Кадыравым, якое павінна было, верагодна, паказаць падтрымку кіраўніка Чачні ад яго паплечнікаў, але выглядае так, нібыта Кадыраў сам не можа стаяць.
«Я лічу, што трэба больш актыўна нападаць, біць трэба жорстка, пакуль ёсць час. У гэтым месяцы трэба забіраць бліжэйшую тэрыторыю. Абавязкова трэба Адэсу, Харкаў забраць. Потым пасадзіць гэтага Зяленскага і прымусіць яго падпісаць усе паперы, якія неабходныя для Расіі, для бяспекі нашай дзяржавы, грамадзян, расейскамоўнага насельніцтва, якое пражывае на тэрыторыі Украіны», — цытуе аптымістычную заяву Рамзана Кадырава РБК.
Кадыраў адсутнічаў на пасланні Пуціна Федэральнаму сходу ў канцы лютага.
«Новая газета Еўропа» апублікавала расследаванне пра сурʼёзную хваробу Кадырава. Паводле выдання, «стан здароўя 47-гадовага Рамзана Кадырава не пакідае надзей на яго вылячэнне».
Чытайце таксама:
«Ранейшага лідара ўжо не будзе». Рамзан Кадыраў невылечна хворы
