My pakidajem za saboj prava pisać ułasnuju historyju XX st.: Litva žorstka adkamientavała vypad MZS Rasii
U adkaz na abraźlivyja vykazvańni rasijskich dypłamataŭ ab litoŭskich paślavajennych partyzanach MZS Litvy zajaviła, što Maskva nie žadaje pryznavać histaryčnuju praŭdu i prymianiaje dvajnyja standarty, a Litva, miž tym, praciahnie uviekaviečvać pamiać pra paślavajennych partyzanaŭ.
Tak dniami dyrektar Departamienta infarmacyi i druku MZS Rasii Maryja Zacharava, kamientujučy adkryćcio 10 kastryčnika ŭ Šyłuckim rajonie Litvy pomnika pavajennym partyzanam, zajaviła: «Na žal, nie pieršy raz davodzicca sutykacca z tym, što ŭ Litvie, krainie ES, robiacca sproby pierahledzieć histaryčnyja realii, źviazanyja z padziejami Druhoj suśvietnaj vajny, i, u pryvatnaści, pradstavić miascovych kałabarantaŭ u jakaści «zmaharoŭ za svabodu. U dadzienym kantekście było b darečy nahadać, što mienavita hetyja nacysckija pamahatyja, vinavatyja ŭ hibieli dziasiatkaŭ tysiač mirnych žycharoŭ, akazvali aktyŭny supraciŭ vojskam Čyrvonaj Armii, jakaja viała bai z fašystami».
U zajavie MZS Litvy havorycca:
«U Litvie ni ŭ koha nie vyklikaje sumnieńniaŭ histaryčny fakt, što ŭdzielniki paślavajennaha supracivu byli častkaj baraćby za svabodu, padmacavanaj vieraj u tym, što demakratyčnyja dziaržavy dapamohuć viarnuć stračanuju svabodu.Mienavita tamu ŭviekaviečańnie pamiaci ab ich budzie praciahnuta, a danina pamiaci achviaram vajny i supracivu budzie addavacca naležnym čynam».
Litva «jak suvierennaja dziaržava, pakidaje za saboj prava pisać svaju ŭłasnuju historyju, vyvučać i aceńvać złačynstvy tatalitaryzmu-- havorycca ŭ zajavie MZS Litvy20-ha stahodździa»,
«Niama nijakaha cynizmu u tym, što pomnik [u Šyłuckim rajonie] adkryty 10 kastryčnika [dzień „vyzvaleńnia“ Šyłuckaha rajona savieckimi vojskami ŭ 1944 h.]. 68 hadoŭ tamu Litva nie była vyzvalena, a adzin akupant — čyrvony, źmianiŭ inšaha — karyčnievaha», — skazaŭ historyk Kiastucis Hirnis.
