Viciebski abłvykankam choča kupić 3 aŭtamabili Skoda Superb sa skuranym sałonam Glamour

Viciebski abłasny vykanaŭčy kamitet raźmiaściŭ zajaŭku na kuplu troch lehkavych aŭtamabilaŭ prykładnym koštam $55 tys. kožny na aficyjnym sajcie Nacyjanalnaha centra markietynhu i kanjunktury cen. Zychodziačy z apisańnia patrabavańniaŭ da transpartnaha srodku, možna vykazać zdahadku, što čynoŭnikaŭ cikavić paŭnapryvadny aŭtamabil Skoda Superb 4×4 3.6 FSI koleru čorny mietalik.

U jakaści abaviazkovych patrabavańniaŭ da aŭtamabila ŭ zajaŭcy zhadvajucca:

6-cylindravy ruchavik 3.6 FSI, lohkaspłaŭnyja 16 — ci 17-calevyja dyski, poŭny pryvad, pakiet abstalavańnia dla drennych daroh, ciomnaje taniravanaje zadniaje škło, kruiz-kantrol, kamfort-pakiet dla kurcoŭ, a taksama sałon Glamour (hładkaja skura) z azdableńniem Noblese (pad dreva).

Konkursnyja dakumienty płanujecca prymać až da 17 kastryčnika — daty praviadzieńnia kančatkovych tarhoŭ. U jakaści krynicy finansavańnia zakupki pakazany abłasny biudžet.

Cikava, što zajaŭka na nabyćcio aŭtamabilaŭ była raźmieščana praz 6 dzion paśla narady ŭ Łukašenki, na jakim jon daŭ daručeńnie kantralujučym orhanam pilna sačyć za dachodami i raschodami biełarusaŭ.

dengi.onliner.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH