Raman z «Kniharni «Naša Niva» vyjšaŭ u Polščy
«Rybin horad» na polskuju pierakłała Małhažata Buchalik.
«Rybin horad» Natałki Babinaj na polskuju pierakłała Małhažata Buchalik.
Jak paviedamiła aŭtarka, u Polščy ŭžo zapłanavany proma-tur u padtrymku knihi. Prezientacyi adbuducca ŭ Varšavie, Krakavie, Biełastoku, Olštynie, Białapadlascy. Admietna, što
ŭ Krakaŭ Natałka Babina zaprošana dla ŭdziełu ŭ Mižnarodnym knižnym kirmašy.
Raman «Rybin horad» pa-biełarusku vyjšaŭ u 2007 hodzie. Jaho padziei adbyvajucca napiaredadni i padčas minułych prezidenckich vybaraŭ. Tam prysutničajuć paznavalnyja piersanažy i realii Biełarusi. Chacia sama aŭtarka zaznačyła: «Dla ich, mastactvaznaŭcaŭ u cyvilnym, dadam, što dziejańnie adbyvajecca ŭ 2012 hodzie».
Zamović knihu na biełaruskaj movie možna tut.
Kniha, jakaja razburaje stereatypy. Anatacyja da polskaha vydańnia
Śmieły biełaruski raman: nad Buham, u pamiežnaj zonie, u vioscy Dabracičy hinie jaje najstarejšaja žycharka, babcia Makryna. Chto i navošta ŭsypaŭ atrutu ŭ jaje kubak z kavaj na vierandzie? Ci babcia nasamreč była viadźmarkaj, jak kazali ŭ navakolli? A kali tak, ci moža jana paśla śmierci pakarać svaich zabojcaŭ i abaranić viosku ad źniščeńnia?
Aŭtarka apisała realii z žyćcia sučasnych biełarusaŭ, jakija, napeŭna, ździviać palakaŭ: pryvatnyja firmy, vialikija hrošy, internet u chatach, a z druhoha boku — miašanka moŭ, kultur i relihij, miascovaja śviadomaść siahaje da časoŭ Bieraściejskaj unii –
usio mocna adroźnivajecca ad sumnaha stereatypu krainy pad botam pravincyjnaha dyktatara.
Pahladzicie praz hetuju knihu na sapraŭdnuju Biełaruś, i kali vam heta spadabajecca, jedźcie letam na Buh šukać u adlustravańni rybinaha horada kazačnyja skarby lvoŭskaha juvielira.
