Da nas jedzie karol słemu
8 kastryčnika ŭ minskim R-slub'e Majkł Śmit praviadzie finał biełaruskaha ENLP/«Anhłamoŭnaha paetyčnaha słemu».
Słem — publičnaja bitva paetaŭ. Ad zvyčajnych paetyčnych čytańniaŭ słem adroźnivajecca najaŭnaściu momantu hulni, jakaja stvaraje svojeasablivuju atmaśfieru. Vystup udzielnika słem-viečaryny aceńvajuć hledačy, tamu tut važny nie tolki sam tekst, ale i toje, jak aŭtar vykonvaje svoj tvor.
Kab daviedacca bolej pra słem, čytajcie: «Karotki dapamožnik pa paetyčnych bitvach»..
Słem — adnosna novy vid mastactva dy naradziŭsia ŭ Amierycy ŭ 80-ch, a baćkom-zasnavalnikam i najvialikšym papularyzataram słemu ličycca amierykanski paet Mark Śmit/Marc Smith.
Dyk voś, hety samy Mark Śmit, čałaviek, jaki hetkija interaktyŭnyja čytańni i raspracavaŭ, u pačatku kastryčnika adviedaje Biełaruś. Dziad́ka Słem praviadzie ŭ Minsku majstar-kłasy i zładzić viečarynu paezii.
— Vizit Śmita — vydatnaja nahoda dla amataraŭ litaratury pabačyć suśvietnaviadomaha paeta ŭ dziejańni,— kaža krytyk Marharyta Alaškievič, adna z arhanizatarak pryjezdu Marka Śmita ŭ Biełaruś. — I ŭ dadatak možna naŭprost abmierkavać pierśpiektyvy słem-paezii ź jaje stvaralnikam.
Vystupy z udziełam Marka Śmita adbuducca ŭ Linhvistyčnym univiersitecie i BDU, a taksama ŭ Puškinskaj biblijatecy.
A voś 8 kastryčnika ŭ minskim R-slub'e Majkł Śmit praviadzie finał biełaruskaha ENLP/«Anhłamoŭnaha paetyčnaha słemu». 20 viadomych i nieviadomych biełaruskich paetaŭ buduć spaborničać u hetym paetyčnym mastactvie. Chiba z adnoj niezvyčankaj — usio (čytańnie tvoraŭ, ich acenka, i maderacyja) budzie adbyvacca pa-anhielsku. Čamu, majučy cełuju plajadu ajčynnych słem-paetaŭ, raptam nie na rodnaj movie?
— My narakajem, što naša litaratura nie znachodzić vychadu ŭ śviet, — adkazvaje Marharyta Alaškievič, — dumaju, naš anhłamoŭny słem padściabnie i paspryjaje pałularyzacyi našaj paezii za miažoju. U dadatak, na viečarynie budzie abvieščany volny mikrafon, i ŭsie achvočyja zmohuć pačytać svaje vieršy pa-biełarusku.
Arhanizatary zaprašajuć achvočych da ŭdziełu ŭ anhłamoŭnym paetyčnym słemie ŭsich achvočych. Zajavy prymajucca z 8 vieraśnia da 30 vieraśnia 2010 na elektronnuju poštu: [email protected]
***
Mark Śmit (nar. u 1949) — amierykanski paet, zasnavalnik paetyčnaha słem-ruchu. Jon pačaŭ svaju karjeru ŭ siaredzinie 80-ch. Jon chutčej pradstaŭlaje, čym prosta dekłamavuju svaje tvory. Śmit śćviardžaje, što svajoj tvorčaściu choča viarnuć paezii narodu, bo na zvyčajnych paetyčnych viečarynach ludzi pačali nudzicca. Śmit —aŭtar telepieradačy «Złučanyja Štaty Paezii».
