Osten, Prus, Ŭajłd, Žadan u novym «PrajdziŚviecie»
Vydańnie, jakoje pakul što nie maje papiarovaj viersii, časopis pierakładnoj litaratury «PrajdziŚviet», vydaŭ 5-6 numar, jaki całkam pryśviečany žančynie i maje nazvu «Vykradańnie Jeŭropy». Heta pohlad na žančynu zboku — viersija Byka, heta značyć mužčyny: paezija Šarla Badlera i Siarhija Žadana, apaviadańnie «Śfinks biez zahadki»Oskara Ŭajłda, uryvak z «Žanočaha ramana»Michała Viveha.
Možna budzie taksama aznajomicca i ź viersijaj samoj Jeŭropy. U «jeŭrapiejskaj» častcy numara źmieščany pohlad žančyny na samu siabie: uryvak sa znakamitaha ramana «Pycha i pieraduziataść»Džejn Osten, paezija nobieleŭskaj łaŭreatki Visłavy Šymborskaj, uryvak z pjesy «Kamienny anioł»Maryny Ćviatajevaj, apaviadańnie «Partret maci» pieršaj nobieleŭskaj łaŭreatki-žančyny Sielmy Łahierlof.
Akramia ŭłasna litaraturnych tvoraŭ, u numary źmieščanyja litaraturaznaŭčyja artykuły, adzin ź jakich daśleduje «ružovy raman» — žanr masavaj litaratury, skiravany pieravažna na žančyn. A taksama ŭ «Vykradańni Jeŭropy» — intervju z Vieraj Burłak, uładalnicaj premii časopisa «PrajdziŚviet» u naminacyi «Proza» za 2009 hod, Nastaj Łabadoj, pierakładčycaj Tuve Jansan, a taksama paetkaj i pierakładčycaj, jakaja ciapier žyvie ŭ ZŠA, Valžynaj Mort.
Nastupny numar časopisa vyjdzie ŭzimku i budzie pryśviečany litaratury Afryki i Afrycy ŭ litaratury.