«Kalevała» i Kavalova
Vybranyja miescy finskaha narodnaha epasu «Kalevały» ŭ pierakładzie Jakuba Łapatki možna pračytać u litaraturnym almanachu biełaruskich piśmieńnikaŭ zamiežža «Biełarus-2010».
«Kalevała» — finski narodny epas, zapisany i dapracavany Elijasam Lonrutam (1802-1884). Kali hierojami słavutych epičnych tvoraŭ ab Rołandzie, Nibełunhach, rycarach karala Aruta źjaŭlajucca manarchi, hiercahi, dyk dziejnyja asoby «Kalevały» — zvyčajny viaskovy lud. Adnak kniha nahetulki prypała da dušy finskamu narodu, až dzień zdačy «Kalevały» ŭ druk zrabiŭsia nacyjanalnym śviatam. Nad abjomnym pierakładam spadar Łapatka pracavaŭ dva z pałovaj hady, i pieršaja porcyja run (raździełaŭ) užo drukavałasia ŭ časopisie «Dziejasłoŭ».
U «Biełarusie-2010» možna budzie pračytać uryŭki z 33-aj, 37-aj, 47-aj i 48-aj runy razam z kamientarami pierakładnika.
Čytać jašče:
uryŭki «Kalevały» ŭ «Dziejasłovie».
Akramia «Kalevały» ŭ almanachu «Biełarus-2010» možna budzie pračytać kazki vilenčuka Aleha Minkina, nizki vieršaŭ pražanina Maksa Ščura i ist-bransuikaŭca Siaržuka Sokałava-Vojuša, a taksama ese tarontaŭki Vijalety Kavalovaj «Apałohija kapitalizmu, albo Pradmova da niedapisanaj knihi».
