Aŭtaradyjo prosić ab padtrymcy
Užo ceły miesiac jano prapanuje svaim słuchačam padtrymać radyjostancyju šlacham dabračynnaj padpiski.
«Aŭtaradyjo» ŭžo ceły miesiac prapanuje svaim słuchačam padtrymać radyjostancyju šlacham dabračynnaj padpiski.
Hiendyrektar radyjostancyi Juryj Bazan raskazaŭ, što heta zvyčajnaja praktyka dla zachodnich krain. «U nas nie raźvity instytut padtrymki ŚMI na dabračynnaj asnovie, što isnuje ŭ śviecie. I niekamiercyjnyja prajekty ŭ takim vypadku stvarać ciažka. My majem biaspłatnyja haziety, ale my viedajem, čym jany zapoŭnieny — rekłamaj. A ŭ nas u muzyčnym šerahu šmat kampazicyj niekamiercyjnaha charaktaru. Tamu i vyrašyli pasprabavać dabračynnuju padpisku».
Sens akcyi zaklučajecca ŭ tym, što słuchač telefanuje na numar 8-902-101-09-09, a ź jaho rachunku na karyść radyjostancyi pieraličvajecca peŭnaja suma hrošaj. Pa słovach sp. Bazana, u śviecie takaja padpiska davoli vysokaja.
Na «Aŭtaradyjo» jana składaje piać tysiač rubloŭ.
Achviaravać hrošy možna tolki praz haradski telefon. Ale ŭžo viaducca pieramovy z sotavymi apieratarami, kab i z mabilnikaŭ možna było heta zrabić. Bo šmat ludziej słuchaje radyjo za rulom aŭtamabila.
Juryj Bazan pieršyja vyniki ličyć niadrennymi, choć akcyja pravodzicca jašče ŭ probnym režymie.
