Muzyka dla kulturnych buržua
chutka budzie hučać u Małoj zali KZ «Minsk». Pra novy kulturny trend stalicy.
U mietrapolisie — jak u mietrapolisie — jość muzyčnyja viečaryny na luby hust: u kłubach, u kancertnych załach, na scenach teatraŭ. Ale, jak vyśviatlajecca, pazajmanyja nie ŭsie nišy. Novy prajekt — «Tvorčaja majstroŭnia» pryznačany dla tych, chto nie chodzić u kłuby, ale i nie nadta šanuje vialikija hała-kancerty.
Džaz, džaz-rok, etnika, fjužn, world-music…Na sustrečach «Tvorčaj majstroŭni» budzie adbyvacca nie prosta kancert, dzie adno adździaleńnie źmianiaje druhoje. Tut miesca impravizacyja, niečakanyja duety, i navat hutarki artystaŭ z publikaj, a taksama kavavyja paŭzy. Takaja sabie kłubnaja sustrečy biez kłuba.
Biez kłuba? Tak, arhanizatary pryjšli da vysnovy, što mienavita ŭ nievialikaj utulnaj zali KZ «Minsk» uvahi publiki nie budzie adciahvać ni ježa, jakuju raznosiać, ni śpiecyfičnaja kłubnaja atmaśfiera. «Tvorčaja majstroŭnia» aryjentavanaja najpierš na kansiervatyŭnuju, stałuju hustami publiku aŭdytoryju, niemałaliki słoj kulturnaha buržua.
— Hety prajekt dla publiki cikaŭnaj, dapytlivaj, jakuju ni za što nie zaciahnieš u «Biełuju viežu» ci «Reaktar», — kaža šoumen i dyrektar pradusarskaj kampanii «Pan-Studyja» Alaksandr Astroŭski. — Naša metavaja aŭdytoryja — 30-ci i 40-hadovyja, jakija na pryjezd džaz-zorak reahujuć pryblizna tak: «Nu, kali b heta było nie ŭ kłubie, my by pajšli».
Ideja «Tvorčaj majstroŭni» nie novaja. Niešta padobnaje ŭžo ładziła sioleta pradusarka Łarysa Simakovič u mastackaj-muzyčnaj imprezie «Noč u fiłarmonii», dzie spałučyła kłubnyja tradycyi (u fiłarmonii možna było nie siadzieć na adnym miescy, a pierachodzić z zały ŭ zału), i nieparušnyja rytuały kancerta kłasičnaj muzyki. Tamu možna kazać pra novy kulturny trend.
Kvitki na «Tvorčuju majstroŭniu», kažuć arhanizatary, buduć siarednich koštaŭ — 25-30 tysiač. Siarod pieršych sustreč TM:
29 vieraśnia Etna-džaz AKANA (heta ŭ jakim śpiavaje Rusia) i strunnaha kvintetu ź Vialikaha teatra opiery i baleta.
30 vieraśnia hurt «PortMane» i Masud Talebani z kalektyvam Awindar.
10 listapada Vialikaja zała KZ «Minsk. Isłandski hurt Mezzeforte. Tut kvitki buduć daražej — ad 50 da 150 tys.
Siarod płanaŭ arhanizataraŭ — pryvoz tryjo Siebaściana Študnicki, niamieckaha džazavaha vykanaŭcy, jaki pracuje sa Styvi Ŭanderam.
