Novyja apaviadańni pra Lenina: Lenin i TB
Lenin sieŭ u leninski fatel i ŭklučyŭ leninski televizar...
Lenin sieŭ u leninski fatel i ŭklučyŭ leninski televizar. Na adnym z sumiesnych kanałaŭ tranślavaŭsia vypusk navinaŭ, u jakim Lenin susiedniaj dziaržavy raiŭsia sa svaimi dziećmi, jak ich krainie žyć dalej.Lenin skryviŭsia i pieraklučyŭ na inšy sumiesny kanał. Pa im vystupaŭ adzin ź dziaciej Lenina susiedniaj dziaržavy, jaki śćviardžaŭ, što ichny Lenin značna lepšy za nie ichnaha Lenina. «Bač ty suka jakaja, — plunuŭ u ekran Lenin. — Nu, pryjedzieš ty jašče siudy. Kab ty sprach».
Lenin padniaŭsia z fatela, vycier leninski plavok ź leninskaha šyrokafarmatnaha płaźmiennaha ekrana i tycnuŭ knopkaj na inšy kanał, pa jakim u prahramie pra žyviołaŭ raskazvałasia pra toje, da čaho Lenin davioŭ u leninskich puščach svaich zubroŭ. Lenin špurnuŭ pult u televizar, z chvilinu parazhladaŭ askiepki, paniuchaŭ dym i patelefanavaŭ u leninski zvanok. «Jak by hałoŭnaha pa televizary da mianie, — pieradaŭ jon leninskuju prośbu pamočniku. — I niachaj prahramu pieradač na zaŭtra voźmie».
Praz chvilinu hałoŭny pa leninskich televizarach byŭ u kabiniecie.
«Jak siamja, jak dzieci? — pacikaviŭsia Lenin i pryžmuryŭ usim dobra viadomyja vočy na surazmoŭcu». «Dziakuj», — niaŭpeŭniena adkazaŭ jak by hałoŭny i źbialeŭ.«Ja tak i dumaŭ. Ničoha apošnim časam u ciabie nie źnikała?» — jašče łaskaviej pryžmuryŭsia Lenin. «U sensie?» — zatreślisia vusny
«Intervju ź Leninym Hruzistanii», — pračytaŭ Lenin. — Nie zrazumieŭ, było ž užo!» «Heta druhaja častka, bolš ščyraja», — chutka prahavaryŭ jak by surazmoŭca. «Ščyraja — heta dobra, — zaŭvažyŭ Lenin. — Lublu ščyrych ludziej. „Intervju ź Juryjem Šaŭčukom“. Pasuje. „Intervju ź Leninym Małdovastanii“. Vydatna. „Publicystyčny film“ Miadźviedź u bierłahu — 1». Treba budzie pahladzieć. Tak. Što pa inšym kanale? Pieradača pra zdaroŭje: «Lačeńnie cipuna biez narkozu». Hm. Davaj lepš tak: «Lačeńnie cipucina biez narkozu». Damovilisia? «Intervju ź Michaiłam Barzykinym». U kropku. «Intervju ź Leninym, što chavajecca ŭ lasach Čačniastanii». Vydatna. «Intervju z Valeryjaj Navadvorskaj»… Z kim intervju?» «Heta tematyčnaje intervju, — jašče chutčej pramarmytaŭ jak by hałoŭny. — Pra ichnaha Lenina».
«Pra ichnaha — heta toje, što treba vašamu narodu, — šmatznačna zaćvierdziŭ Lenin. — A to ja ŭžo byŭ padumaŭ, što sprava tvaja zusim dreń.Što na hetym kanale? „Intervju z Hary Kasparavym“. Pojdzie. „Intervju z Eduardam Limonavym“.
Jak by hałoŭny pa televizarach stupiŭ za dźviery kabinieta, a Lenin uziaŭ u ruki šuflik i pačaŭ źbirać z padłohi askiepki ekrana.
