Hurt «Piknik» padniaŭ ceny na svaje vystupy paśla terakta ŭ «Krokusie»
Terakt nie paŭpłyvaŭ na hastrolnuju dziejnaść rasijskaha hurta «Piknik» — kalektyŭ aktyŭna daje vystupy, ale padniaŭ rascenki na ich paśla teraktu ŭ «Krokusie».
Hurt «Piknik». Fota: piknik.info
Pavodle «Bazy», na siońnia za vystup «Piknika» arhanizataram pryjdziecca vykłaści ŭ siarednim 3 miljony rubloŭ, choć raniej muzyki prasili 2-2,5 miljona (30 tysiač jeŭra zamiest 20-25 tysiač).
Pa słovach adnaho z členaŭ hrupy, toje, što adbyłosia ŭ «Krokusie» nijak nie paŭpłyvała na kancertnuju dziejnaść hurta, choć udzielniki i byli šakavanyja. Jon nazvaŭ terakt «źbieham abstavinaŭ».
Paśla terakta hurt davaŭ kancerty minimum u 8 haradach: niekatoryja arhanizatary śpiecyjalna ŭzmacniali achovu, inšyja nie stali pierastrachoŭvacca. Usie vystupy prajšli bieź incydentaŭ.
Bytavy rajdar «Piknika» zastaŭsia raniejšym: u im piacizorkavyja hateli, butelka harełki ad najlepšaha vytvorcy, niekalki butelek piva, vosiem buterbrodaŭ u hrymiorcy i prafiesijnaja słužba biaśpieki.
U kancertnaj zale «Krokus Sici Choł» u Padmaskoŭi 22 sakavika pavinien byŭ być kancert hurta «Piknik». Ale adbyŭsia terakt, jašče da taho jak muzyki vyjšli na scenu.
Čytajcie taksama:
Što za hrupa «Piknik», pierad kancertam jakoj adbyŭsia terakt
