U Biełarusi na 1000 mužčyn prychodzicca 1166 žančyn, najmienš nasielnictva žyvie na Mahiloŭščynie
U pačatku hoda nasielnictva krainy składała 9 155 978 čałaviek, paviedamlaje telehram-kanał Nacyjanalnaha statystyčnaha kamiteta.
Z ahulnaj kolkaści žycharoŭ krainy žančyny zajmajuć 53,8%, na pačatak studzienia 2024-ha ich naličvałasia 4 929 249. Mužčyn mienš — 4 226 729 abo 46,2%. Heta značyć žančyn u Biełarusi na 702 520 bolš.
Takim čynam, na adnu tysiaču žycharak Biełarusi prypadała 857 mužčyn, abo na adnu tysiaču mužčyn — 1 166 žančyn. Siaredni ŭzrost žychara krainy na pačatak 2024-ha byŭ roŭny 41,5 hoda, pry hetym siarod žančyn — 43,9 hoda, a siarod mužčynskaha nasielnictva siaredni ŭzrost składaŭ krychu mienš — 38,7 hoda.
U Minsku pražyvała 1 992 862 čałavieki, abo 21,8% ad ahulnaj kolkaści nasielnictva krainy.
Lidaram pa kolkaści nasielnictva źjaŭlajecca Minskaja vobłaść, dzie pražyvaje 1 460 289 čałaviek abo amal 16%. Na druhim miescy Homielskaja vobłaść z 1 338 617 žycharami (14,6%), «bronza» ŭ Bresckaj vobłaści — 1 308 569 (14,3%).
Nasielnictva Viciebskaj vobłaści naličvaje 1 081 911 čałaviek, što składaje 11,8% ad ahulnaj kolkaści nasielnictva krainy, a ŭ Hrodzienskaj — 992 556 abo 10,8%. U Mahiloŭskaj vobłaści pražyvaje 981 174 čałaviek (10,7%).
Pavodle statystyki, u haradskoj miascovaści pražyvała 7 198 285 čałaviek, abo 78,6% ad usiaho nasielnictva krainy, u sielskaj žycharoŭ u razy mienš — 1 957 693 (21,4%).
Čytajcie taksama:
Biełarusy pierastajuć brać šlub. Zatoje razvodaŭ — amal stolki, jak i było
Kali biełaruskija siemji najčaściej raspadajucca?
Nasielnictva Minska znoŭ skaraciłasia — da 2 miljonaŭ usio dalej
