U biełaruskim rajonie sa 100-tysiačnym nasielnictvam nie zastałosia nivodnaha vieterana Druhoj suśvietnaj
Va ŭsim Žłobinskim rajonie z nasielnictvam amal 100 tysiač čałaviek nie zastałosia nivodnaha vieterana Druhoj suśvietnaj vajny. Pra heta nie paviedamlajuć aficyjna, adnak takuju vysnovu zrabiła vydańnie «Fłahštok» pa infarmacyi ab vypłacie materyjalnaj dapamohi da 9 maja.
Na zdymku: u Pietrykaŭskim rajonie pačali vydavać vypłaty da 9 maja. Fota: hazieta rajvykankama
25 krasavika ŭ Biełarusi pačali vypłačvać matdapamohu niekalkim katehoryjam hramadzian — ad realnych udzielnikaŭ bajavych dziejańniaŭ (pa 4 tys.rubloŭ) da byłych viaźniaŭ, udoŭ i dziaciej vieteranaŭ (pa 1 tys. rubloŭ).
Akazałasia, što bolšaść vypłat pryznačana apošniaj katehoryi — paciarpiełym ad nastupstvaŭ vajny. Jak paviedamiła hazieta Žłobinskaha rajvykankama «Novy dzień», usiaho ŭ rajonie vypłaty naležać 189 atrymalnikam, ź jakich 176 — heta byłyja viaźni. Astatnija — udovy i dzieci vieteranaŭ, «žychary błakadnaha Leninhrada» i byłyja rabotniki pradpryjemstvaŭ i arhanizacyj hetaha horada, uznaharodžanyja miedalom «Za abaronu Leninhrada».
U śpisie niama nivodnaha čałavieka ź pieršaj katehoryi, kamu naležać 4 tysiačy rubloŭ, — «invalidy i ŭdzielniki VAV, asoby, jakija prymali ŭdzieł u bajavych dziejańniach pa abaronie ajčyny da 3 vieraśnia 1945 hoda, asoby, jakija prymali ŭdzieł u składzie śpiecyjalnych farmiravańniaŭ u raźminiravańni terytoryj i abjektaŭ paśla vyzvaleńnia ad niamieckaj akupacyi ŭ 1943-1945 hadach».
Usiaho ŭ Žłobinskim rajonie na vypłaty da 9 maja vydzielena 196 tys. rubloŭ.
Čytajcie taksama:
Niekatorych vieteranaŭ tyłu ŭ Biełarusi pryznajuć udzielnikami Vialikaj Ajčynnaj vajny
Vieteranam vajny rychtujucca vypłacić štohadovyja dapamohi. A kolki ich zastałosia?
