Cichanoŭskaja zaklikała ŭładalnikaŭ humanitarnych DNŽ nie jeździć u Biełaruś
Śviatłana Cichanoŭskaja zrabiła zajavu pa vynikach niadaŭniaha hałasavańnia ŭ litoŭskim Siejmie adnosna ŭviadzieńnia abmiežavańniaŭ dla biełarusaŭ — uładalnikaŭ litoŭskaha DNŽ, na naviedvańnie radzimy. Prapanavanyja papraŭki da zakonaŭ nie atrymali padtrymki bolšaści deputataŭ, ale Cichanoŭskaja, uchvalajučy heta, prosić biełarusaŭ nie rassłablacca i samim.
Zdymak ilustracyjny. Fota: Ofis Śviatłany Cichanoŭskaj
Śviatłana Cichanoŭskaja padkreślivaje, što za takim vynikam hałasavańnia staić vialikaja praca jaje kamandy:
«Dziasiatki sustreč, razmoŭ i dyskusij — kab dabicca bolšaści hałasoŭ suprać papravak. Razam ź litoŭskimi partniorami i siabrami my znajšli kampramis — i pry hetym adstajali intaresy biełarusaŭ. Ja chaču padziakavać usim deputatam, jakija razumiejuć, što Biełaruś — heta nie Łukašenka, a biełarusy — nie rasijanie. Dziakuj usim, chto padtrymlivaje jeŭrapiejski vybar biełarusaŭ».
U toj ža čas jana nahadvaje, što navat kali hetych abmiežavańniaŭ nie budzie, daloka nie ŭsim biełarusam varta jeździć u Biełaruś, bo heta toić u sabie roznyja niebiaśpieki.
«Pamiatajcie pra niebiaśpieku pajezdak u Biełaruś, asabliva kali vy mieli dośvied represij. Nie ryzykujcie svajoj svabodaj. Kali vy — uładalnik humanitarnaha DNŽ, kali łaska, ustrymajciesia ad pajezdak u Biełaruś. Heta moža pryvieści da anulavańnia vašych litoŭskich dakumientaŭ», — papiaredžvaje demakratyčnaja lidarka.
Čytajcie taksama:
Litva pradoŭžyła sankcyi suprać hramadzian Biełarusi. Jość taksama novyja vizavyja abmiežavańni
Cichanoŭskaja raspaviała pra vyniki pieramoŭ z pradstaŭnikami «Vialikaj siamiorki»
