U Polščy zatrymali futbolnych fanataŭ, jakija nielehalna ŭvozili cyharety ź Biełarusi
Palicyja ŭ polskaj Silezii zatrymała čatyroch čałaviek, źviazanych z kołami futbolnych chulihanaŭ, jakija nielehalna ŭvozili i raspaŭsiudžvali ŭ Polščy cyharety ź Biełarusi, Ukrainy i Rasii. Padazravanym ad 36 da 61 hoda, u liku zatrymanych — adna žančyna, piša Most.
Pa źviestkach palicyi, usie zatrymanyja ŭvachodzili ŭ arhanizavanuju złačynnuju hrupu.
Pavodle viersii śledstva, 36-hadovy mužčyna arhanizavaŭ uvoz u Polšču bolš za 4 młn cyharet biez polskich akcyznych marak i 1,9 tony tytuniu. Kantrabandnuju pradukcyju jon raspaŭsiudžvaŭ praz svaich zmoŭščykaŭ. U vyniku jon zabiaśpiečyŭ sabie pastajannuju krynicu dachodu, a biudžet niedaatrymaŭ kala 7,3 młn złotych (kala 1,8 młn dalaraŭ).
Palicyja praviała pieratrusy pa čatyroch adrasach u Silezii, u adnoj z kvater kanfiskavali 80 tys. złotych (kala 20 tys. dalaraŭ). Usim zatrymanym vystavili abvinavačvańni va ŭdziele ŭ arhanizavanyj złačynnaj hrupoŭcy i kantrabandzie, jany pryznali vinu.
Lidaru hrupy pahražaje da 15 hadoŭ pazbaŭleńnia voli, a jaje šarahovym udzielnikam — da vaśmi.
Čytajcie taksama:
Ź Biełarusi ŭ Maskvu vieźli bolš za paŭtony vustryc i łobstaraŭ, schavanych u ofisnaj mebli
U Polščy znajšli paŭmiljona pačkaŭ biełaruskich kantrabandnych cyharetaŭ. Ich pieravoziŭ litoviec
Jak pieravozić u Biełaruś leki, kab nie atrymać za heta kryminałku
