Na Bali raźbiłasia na skutary 23-hadovaja biełaruska
Dziaŭčyna zahinuła paśla taho, jak skutar, na jakim jana jechała, byŭ źbity aŭtobusam prosta pierad pratestanckaj carkvoj u horadzie Denpasar.
Yamaha N-Max. Fota: motorival.com
Dziaŭčyna kiravała skutaram Yamaha N-Max. Zdareńnie adbyłosia ŭ sieradu kala 08.45 pa miascovym časie, paviedamlaje Denpasar.compas.com
«Achviara ź inicyjałami HS atrymała krovaźlićcio ŭ hałavu (ciažkaja čerapna-mazhavaja traŭma) i pamierła na miescy zdareńnia», — paviedamiŭ načalnik adździeła pa suviaziach z hramadskaściu palicyi Denpasara.
Adznačajecca, što skutar i aŭtobus jechali ŭ adnym napramku, i zdareńnie adbyłosia paśla taho, jak kiroŭca aŭtobusa staŭ abhaniać biełarusku z pravaha boku.
Čytajcie taksama:
«Bajpoł» paviedamiŭ pra hibiel aficera na Abuz-Lasnoŭskim palihonie
Zahinuŭ supracoŭnik EHU Vadzim Chlebarodaŭ, jamu było 36 hadoŭ
