Zatrymać namieśnika ministra abarony Rasii «dapamahli» ŭkrainskija śpiecsłužby — HUR
Zatrymańnie namieśnika ministra abarony Rasii Cimura Ivanova — heta vynik dziejańniaŭ Hałoŭnaha upraŭleńnia raźviedki Minabarony Ukrainy. Pra heta paviedamlaje RBK-Ukraina sa spasyłkaj na krynicy ŭ śpiecsłužbach.
Fota: Minabarony Rasii
U sakaviku 2024 hoda padraździaleńnie aktyŭnych dziejańniaŭ HUR praviała kibierataku i atrymała dostup da kanfidencyjnaj infarmacyi i słužbovych dakumientaŭ Ivanova.
Paśla taho, jak pra hetuju historyju daviedalisia ŭ «bolš šyrokich rasijskich kołach», suprać Ivanova pačali rasśledavańnie. Ciapier rasijskaha čynoŭnika padazrajuć u karupcyi.
U HUR adznačyli, što Ivanoŭ — sapraŭdy karupcyjanier, ale rasijskija siłaviki zacikavilisia im z-za ŭciečki adčuvalnaj infarmacyi. Pry hetym dobraachvotna Ivanoŭ z ukrainskaj raźviedkaj nie supracoŭničaŭ.
Čytajcie taksama:
«Elemient hulni suprać Šajhu». Što havorać palitołahi pra aryšt namieśnika ministra abarony Rasii
Kamanda Navalnaha pachvaliłasia, što paspryjała aryštu namieśnika Šajhu. Uspychnuŭ skandał