Hubiernatar Biełharadskaj vobłaści zajaviŭ, što z pačatku vajny zahinuli 120 mirnych žycharoŭ
Siarod zahinułych — 11 dziaciej, udakładniŭ Viačasłaŭ Hładkoŭ.
Pa słovach hubiernatara Biełharadskaj vobłaści Viačasłava Hładkova, z pačatku poŭnamaštabnaj vajny ŭ rehijonie zahinuli 120 mirnych žycharoŭ. Ab hetym hubiernatar zajaviŭ u videazvarocie, apublikavanym u jaho telehram-kanale.
Ranieńni, pavodle jaho słoŭ, atrymaŭ 651 mirny žychar, u tym liku 51 dzicia. U niekatorych dziaciej u vyniku ranieńniaŭ amputavany ruki i nohi, kaža hubiernatar.
Zhodna z padlikami vydańnia «7x7», z pačatku poŭnamaštabnaj vajny ŭ vobłaści zahinuli jak minimum 134 čałavieki. Usiaho, pavodle źviestak vydańnia, z pačatku vajny zahinuli 186 mirnych žycharoŭ u čatyroch rehijonach Rasii.
Čytajcie taksama:
U Biełharadzie dron urezaŭsia ŭ budynak «Hazprama». Dva čałavieki paciarpieli
U top-5 samych kamfortnych haradoŭ Rasii ŭklučyli «pryfrantavy» Biełharad
