Bajden, havoračy pra hibiel dziadźki ŭ Papua-Novaj Hviniei, zhadaŭ pra kanibałaŭ. U krainie pakryŭdzilisia
Premjer Papua — Novaj Hviniei raskrytykavaŭ słovy Bajdena pra kanibałaŭ
Džejms Marape. Fota: Nick Perry / AP
Prezident ZŠA na minułym tydni ahledzieŭ vajenny miemaryjał Skrentana, na jakim vybityja imiony amierykanskich žaŭnieraŭ, źnikłych u hady Druhoj suśvietnaj vajny. Na miemaryjale paznačana imia dziadźki prezidenta — Embroŭza Finiehana. Sa słoŭ Bajdena, toj ździajśniaŭ raźviedvalnyja paloty nad Novaj Hviniejaj.
«Jaho źbili ŭ rajonie Novaj Hviniei, dzie ŭ toj čas było šmat kanibałaŭ», — dadaŭ jon. Prezident ZŠA adznačyŭ, što cieła jaho dziadźki tak i nie znajšli, piša RBK.
Jamu adkazaŭ premjer Papua — Novaj Hviniei Džejms Marapie.
Słovy prezidenta ZŠA Džo Bajdena pra toje, što cieła jaho dziadźki mahli źjeści kanibały ŭ Novaj Hviniei ŭ časy Druhoj suśvietnaj, kažuć pra jaho hreblivaje staŭleńnie da dziaržavy, zajaviŭ Associated Press premjer-ministr krainy Džejms Marapie.
«Słovy prezidenta Bajdena, mahčyma, byli ahavorkaj, ale maja kraina nie zasłuhoŭvaje naviešvańnia takoha cetlika», — skazaŭ palityk.
Jon adznačyŭ, što Papua-Novaja Hvinieja nie pačynała Druhuju suśvietnuju vajnu, jaje «daremna ŭciahnuli» ŭ supraćstajańnie, i jana ŭsio jašče» ŭsiejanaja pareštkami «hetaha kanfliktu. Marapie zaklikaŭ ZŠA znajści svaich hramadzian, jakija zahinuli ŭ džunhlach Papua-Novaj Hviniei, i prybrać nastupstvy vajny.
Čytajcie taksama:
Bajden: U vypadku napadu Irana naša padtrymka Izraila budzie žaleznaj
Bajden zajaviŭ, što Izrail i ZŠA źbili amal usie zapuščanyja Iranam rakiety
