Biełaruskaha biznesoŭca ŭ ZŠA prysudzili da 21 miesiaca turmy za abychod sankcyj
Taksama jon pavinien viarnuć 4,7 miljona dalaraŭ, atrymanych niezakonnym šlacham.
Miniust ZŠA. Fota: justice.gov
Biełaruskaha biznesoŭca ŭ ZŠA prysudzili da 21 miesiaca turmy za abychod sankcyj, piša Reform.news sa spasyłkaj na Miniust ZŠA.
Amierykanski sud prysudziŭ biełaruskaha biznesoŭca Siarhieja Karpuškina da 21 miesiaca pazbaŭleńnia voli za ŭdzieł u schiemie abychodu sankcyj.
Taksama jon pavinien viarnuć 4,7 młn dalaraŭ, atrymanych niezakonnym šlacham, paviedamlaje Miniust ZŠA.
Raniej Karpuškin zaklučyŭ uhodu sa śledstvam.
Pa spravie prajšli dva fihuranty: Džon (Churem) Kien Ansałan, prezident kampanii Metalhouse LLC, jakaja bazujecca ŭ Fłarydzie i zarablaje na handli stallu, i Siarhiej Karpuškin, były biźnies-partnior Ansałana. Jon žyvie ŭ Majami.
Karpuškin pryznaŭ siabie vinavatym u zmovie z metaj abychodu sankcyj i ŭ mižnarodnym admyvańni hrošaj. Jaho zatrymali ŭ krasaviku 2023 hoda. U vieraśni jon zaklučyŭ ździełku sa śledstvam.
Unsałan atrymaŭ 6 hadoŭ turmy za zmovu z metaj admyvańnia hrošaj dla parušeńnia sankcyj ZŠA, uviedzienych suprać prarasijskaha ŭkrainskaha biznesoŭca Siarhieja Kurčanki. Jon pryznaŭ svaju vinu i abaviazaŭsia viarnuć 160 młn dalaraŭ, atrymanych złačynnym šlacham.
Zhodna z materyjałami spravy, Unsałan i Karpuškin zakuplali staleliciejnaje abstalavańnie i syravinu, choć viedali, što Kurčanka i jaho kampanii znachodziacca pad sankcyjami.
