Vasileŭskaja budzie atrymlivać piensiju za asablivyja zasłuhi
Kasmanaŭty atrymali prava na asablivuju piensiju.
Maryna Vasileŭskaja. Fota: centr padrychtoŭki kasmanaŭtaŭ
Biełaruskija kasmanaŭty atrymali prava na piensiju za asablivyja zasłuhi pierad dziaržavaj. Takuju pastanovu pryniaŭ urad krainy.
Kasmanaŭty byli ŭklučany ŭ pieralik hramadzian, jakija majuć prava na piensiju za asablivyja zasłuhi zhodna z Pałažeńniem ab piensijnym zabieśpiačeńni.
U dakumiencie adznačajecca, što na takuju piensiju pretendujuć hramadzianie, jakija pastajanna pražyvajuć na terytoryi Biełarusi i atrymlivajuć piensiju pa ŭzroście, za vysłuhu hadoŭ abo pa invalidnaści.
Prava na piensiju za asablivyja zasłuhi atrymlivajuć Hieroi Biełarusi, SSSR i sacpracy, uznaharodžanyja tryma i bolš ordenami, žančyny, jakija naradzili i vychavali dzieviać i bolš dziaciej i atrymali za heta ŭznaharodu, łaŭreaty dziaržpremij, uładalniki hanarovych zvańniaŭ, byłyja vyšejšyja čynoŭniki, a taksama alimpijskija i paralimpijskija čempijony. A zaraz i asoby sa statusam kasmanaŭta.
Rašeńnie ab pryznačeńni piensii i jaje pamiery prymaje śpiecyjalnaja dziaržaŭnaja kamisija. Piensija za asablivyja zasłuhi vypłačvajecca ŭ jakaści nadbaŭki da asnoŭnaj piensii. Nadbaŭka nie moža pieravyšać 250 pracentaŭ minimalnaha pamieru piensii pa ŭzroście — ciapier heta 101,69 rubla.
Vasileŭskaja paśla palotu ŭ kosmas atrymała zvańnie Hieroja Biełarusi.
Čytajcie taksama:
Botaŭ adpravili adbielvać Vasileŭskuju, stała viadomaja mietadyčka
Pytańnie, ci źjaŭlajecca Maryna Vasileŭskaja prafiesijnaj kasmanaŭtkaj, prajaśniŭ «Raskosmas»
Stała viadoma, dzie ŭsio ž vučyłasia kasmanaŭtka Maryna Vasileŭskaja
Hierainia Biełarusi ci zvyčajnaja kaśmičnaja turystka? Niuansy palotu ŭ kosmas Maryny Vasileŭskaj
