U Staŭrapolskim krai RF upaŭ stratehičny bambavalnik Tu-22
Hubiernatar Staŭrapolskaha kraju Uładzimir Uładzimiraŭ u telehramie paviedamiŭ, što na terytoryi Čyrvonahvardziejskaj akruhi ŭ poli ŭpaŭ samalot.
«Pavodle apieratyŭnych źviestak, razbureńniaŭ i achviar niama, lotčyki katapultavalisia», — napisaŭ jon.
Paźniej jon dadaŭ, što znojdzieny dvoje lotčykaŭ z samalota. «Jany žyvyja, viaziem u balnicu. Na miesca zdareńnia vyjechali ŭsie słužby», — napisaŭ jon.
U siecivie zjaviłasia videa mierkavanaha padzieńnia samalota, adnak jaho sapraŭdnaść nie paćvierdžanaja.
Paźniej Minabarony RF paviedamiła, što Tu-22M3 VKS Rasii paciarpieŭ krušeńnie «paśla vykanańnia bajavoj zadačy pry viartańni na aeradrom bazavańnia». Lotčyki katapultavalisia, 3 členy ekipaža evakuiravany hrupaj pošuku i ratavańnia, idzie pošuk adnaho lotčyka.
Tu-22M3 — zvyšhukavy rakietanosiec-bambavalnik, adzin z samych zasakrečanych avijacyjnych prajektaŭ SSSR časoŭ «chałodnaj vajny».
