U centry Minska ŭzvodziać handlovy centr ź zialonym hazonam na dachu
U kampanii-zabudoŭščyku abiacajuć, što na dach zmoža padniacca luby achvotny. Tam možna budzie pasiadzieć na travie i panazirać za zachodam sonca z vyšyni ptušynaha palotu.
Tak pavinien vyhladać handlovy centr. Ilustracyja: sigmapolus.com
Na Niamizie ŭ Minsku budujuć šmatfunkcyjanalny kompleks Sigma, jaki abiacajuć adkryć u 2025 hodzie, paviedamlaje kampanija-zabudoŭščyk «Sihmapolus».
Kompleks Sigma ŭzvodziać na skryžavańni vulic Niamihi i Kłary Cetkin.
Asablivaściu handlovaha kompleksu stanie zialonaja zona na dachu budynka, dzie vysadziać naturalny hazon i nievialikija drevy.
U kampanii-zabudoŭščyku abiacajuć, što na dach zmoža padniacca luby achvotny. Tam možna budzie pasiadzieć na travie i panazirać za zachodam sonca z vyšyni ptušynaha palotu.
Budynak budzie źmiennaj pavierchavaści — ad troch da 12 uzroŭniaŭ. Ahulnaja płošča kompleksu — 64 tys. kv. m. Try ŭzroŭni zojmie handlovy centr na 23,5 tys.kv. m, dzieviać uzroŭniaŭ — biznes-centr na 23,2 tys. «kvadrataŭ». U im buduć taksama miedcentr i trochuzroŭnievy parkinh na 550 mašyna-miescaŭ.
Paviedamlajecca taksama, što handlovy centr abstalujuć sučasnymi inžyniernymi rašeńniami, jakija nie tolki ekałahičnyja, ale i biasškodnyja dla zdaroŭja.
Čytajcie taksama:
Kvateru Capkałaŭ kupili za amal 400 tysiač rubloŭ
U centry Minska pradajecca «stalinka» z trochkutnaj prybiralniaj i hołymi cahlinami ŭ interjery
