U Minskaj vobłaści zatrymali kiraŭnikoŭ dvuch sielhaspradpryjemstvaŭ
U Staŭbcoŭskim i Niaśvižskim rajonach za chabar zatrymali dyrektaraŭ dvuch sielskahaspadarčych pradpryjemstvaŭ. Abodva jany brali hrošy «za spryjalnaje vyrašeńnie pytańniaŭ zakupki minieralnych uhnajeńniaŭ i karmavych droždžaŭ, svoječasovaj apłaty pastaŭlenaha tavaru», paviedamiła MUS.
Fota ilustracyjnaje
Viadoma, što kiraŭnik staŭbcoŭskaha pradpryjemstva atrymlivaŭ «hrašovyja ŭznaharody» za pasłuhi sa studzienia da krasavika. Ahulnaja suma «padziaki» skłała 1200 jeŭra. Dyrektara niaśvižskaha pradpryjemstva zatrymali ŭ jaho kabiniecie z chabaram u 400 jeŭra. Suprać abodvuch mužčyn zaviali kryminalnyja spravy.
Kiraŭnikoŭ hetych sielhaspradpryjemstvaŭ zatrymali padčas pravierak, jakija ciapier, padčas pasiaŭnoj, ładzić milicyja.
Čytajcie taksama:
Za bujny chabar sudziać dyrektara «Minskrambuda» i tyłavoha načalnika z Departamienta achovy MUS
