Znajści
Ałharytmičny łacinski varyjant
08.04.2024 / 22:303RusŁacBieł

Žychara Pietrykava, jaki viarnuŭsia z-za miažy, asudzili na 10 hadoŭ kałonii

U Homielskim abłasnym sudzie 8 krasavika da 10 hadoŭ kałonii i štrafu ŭ 100 bazavych vieličyniaŭ (4000 rubloŭ) asudzili 28-hadovaha žychara Pietrykava Ivana Suchamierava. Jaho abvinavacili adrazu pavodle 10 artykułaŭ Kryminalnaha kodeksa, siarod jakich — «zdrada dziaržavie», «zaklik da sankcyjaŭ» i «ŭdzieł u dziejnaści terarystyčnaj arhanizacyi», piša «Viasna».

Ivan Suchamieraŭ

Suchamierava abvinavacili ŭ tym, što jon nibyta ŭstupiŭ u Bypol, chacieŭ stać vajarom Pałka Kastusia Kalinoŭskaha i danaciŭ USU. Sud adbyvaŭsia ŭ zakrytym režymie z 15 lutaha, tamu padrabiaznaści abvinavačańnia viadomyja tolki z paviedamleńnia praŭładnaj «Homielskaj praŭdy». Prysud vynies Siarhiej Bahinski.

Ivana Suchamierava pryznali vinavatym pavodle nastupnych artykułaŭ KK:

  • č. 1 art. 361-3 (udzieł na terytoryi zamiežnaj dziaržavy va ŭzbrojenym farmiravańni abo ŭzbrojenym kanflikcie, vajennych dziejańniach, viarboŭka abo padrychtoŭka asob da takoha ŭdziełu);
  • č. 2 art. 367 (paklop u dačynieńni da Łukašenki);
  • č. 1 i 2 art. 361-2 (finansavańnie ekstremisckaj dziejnaści);
  • art. 369-1 (dyskredytacyja Respubliki Biełaruś);
  • č. 3 art. 361-1 (stvareńnie ekstremisckaha farmiravańnia abo ŭdzieł u im);
  • č. 1 i 2 art. 361-4 (sadziejničańnie ekstremisckaj dziejnaści);
  • art. 370 (ździek ź dziaržaŭnych simvałaŭ);
  • č. 3 art. 361 (zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś);
  • č. 1 art. 356 (zdrada dziaržavie);
  • č. 2 art. 290-5 (arhanizacyja dziejnaści terarystyčnaj arhanizacyi i ŭdzieł u dziejnaści takoj arhanizacyi).

Jak piša «Homielskaja praŭda», pa viersii abvinavačvańnia, Ivan Suchamieraŭ raźmiaščaŭ niehatyŭnyja publikacyi ŭ dačynieńni da Łukašenki na svaich staronkach u sacsietkach, a taksama materyjały, jakija zaklikajuć mižnarodnyja arhanizacyi da sankcyj u dačynieńni da Biełarusi. Jon ža nibyta ŭstupiŭ u skład Bypol, chacieŭ stać vajarom Pałka Kastusia Kalinoŭskaha i danaciŭ USU.

Vierahodna, pad vartaj jon utrymlivajecca ź siaredziny červienia 2023 hoda — tady mužčynu sudzili pavodle art. 19.11 KaAP (raspaŭsiud ekstremisckich materyjałaŭ). Telehram-kanały siłavikoŭ pisali, što jon nibyta byŭ zatrymany pry nielehalnym pierachodzie miažy ŭ Biełaruś.

@nashanivanews Były učastkovy jechaŭ na dzień narodzinaŭ mamy — jamu pahražaje da 6 hadoŭ turmy #mama#dieńroždienija#biełaruś#pohraničniki#hranica#minsk#tamožnia#ariest#pabiełarusku#milicijabiełarusi#učastkovyj♬ DESTRUCTION - SCXR SOUL & NONTHENSE

Čytajcie taksama:

Chłopca ź Pietrykava buduć sudzić pa dvanaccaci palityčnych artykułach. Mahčyma, jon niadaŭna viarnuŭsia z-za miažy

U Homieli chłopca buduć sudzić adrazu pa dziesiaci ciažkich palityčnych artykułach

U Biełarusi +10 novych palitviaźniaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
6
Ха-ха
1
Ого
4
Сумна
11
Абуральна
34
15
Vo małajčyna!!!/adkazać/
08.04.2024
Daŭno para nia łyndy bić pa Eŭropkach a kapustu zarablać dla Kačanavaj. Kolińka cibie tabletki z dustam pieradavać budzit z Kitaju. I vaapšče, jak havaryŭ ni pomniu chto... Respublika jenta ja® Lubimuju Ŭładu ni adjaduć©
12
Paša/adkazać/
09.04.2024
Podiełom
0
Čałaviek ź vialikaj litary/adkazać/
09.04.2024
Miarkujučy pa pieraličanych abvinavačvańniach z boku łukašystaŭ - kałabarantaŭ Maskvy, Ivan Suchamieraŭ vielmi prystojny čałaviek, patryjot Biełarusi, hatovy zmahacca z rasiejskimi akupantami. Čałaviek ź vialikaj litary. Škada, što trapiŭ u pałon.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera