U Rasii jašče adzin NPZ spyniŭ pracu. Hetym razam praz pavodku
Orsknaftaarhsintez pryniaŭ rašeńnie prypynić pracu Orskaha naftapierapracoŭčaha zavoda ŭ suviazi z uzdymam vady, jaki ŭźnik paśla praryvu haradskoj damby, paviedamili žurnalistam u pres-słužbie kampanii.
Orski NPZ. Fota: pres-słužba zavoda
«U suviazi z anamalnaj pavodkaj, kab paźbiehnuć ekałahičnych ryzyk i ŭ metach zachavańnia techniki biaśpieki, źviazanaj, u pieršuju čarhu, ź biaśpiekaj pracy na vytvorčaści, rabota Orskaha naftapierapracoŭčaha zavoda časova prypyniena», — paviedamiŭ pradstaŭnik kampanii.
Orski NPZ vypuskaje bolš za 30 vidaŭ pradukcyi, u ich liku aŭtabienzin, reaktyŭnaje paliva, dyzielnaje paliva, darožnyja i budaŭničyja bitumy, mazut.
«Orsknaftaarhsintez» — najbujniejšy aktyŭ «FortieInviesta», hadavaja mahutnaść zavoda składaje 6 młn ton naftapraduktaŭ.
5 krasavika ŭ Orsku prarvała ŭviedzienuju ŭ stroj u 2010 hodzie achoŭnuju nasypnuju dambu. Z 4 krasavika ŭ Arenburhskaj vobłaści dziejničaje režym nadzvyčajnaha stanovišča rehijanalnaha ŭzroŭniu.
Udary ŭkrainskich dronaŭ pa rasijskich naftapierapracoŭčych zavodach stali surjoznym vyklikam dla Rasii. Sioleta byli paśpiachova atakavany sama mieniej dzieviać bujnych naftapierapracoŭčych zavodaŭ, što, pavodle niekatorych acenak, vyvieła sa stroju 11% usich rasijskich mahutnaściaŭ.
Čytajcie taksama:
Rasija z-za sankcyj nie spraŭlajecca ramantavać NPZ, paškodžanyja Ukrainaj
Dron atakavaŭ NPZ u Nižniakamsku
Rasija pavialičvaje impart bienzinu ź Biełarusi z-za atak bieśpiłotnikaŭ na rasijskija NPZ
