«Nie daŭžej, čym nieabchodna». Finlandyja tak i nie adkryła miažu z Rasijaj
Finska-rasijskaja miaža zastaniecca pa-raniejšamu zakrytaj, vyrašyŭ 4 krasavika ŭrad Finlandyi. Rašeńnie ab zakryćci miažy dziejničaje «na praciahu niavyznačanaha terminu, ale nie daŭžej, čym nieabchodna», havorycca va ŭradavym paviedamleńni.
Na rasijska-finskaj miažy. Fota: Steffen Trumpf/picture alliance via Getty Images
Finlandyja zakryła ŭsie punkty propusku na miažy z Rasijaj u listapadzie 2023 hoda, patłumačyŭšy heta napłyvam nielehalnych mihrantaŭ. Paśla heta rašeńnie nieadnarazova praciahvałasia.
Ciapier ułady Finlandyi taksama nie bačać nijakich prykmiet, što situacyja ź mihrantami palapšiajecca.
«Pa mierkavańniach orhanaŭ ułady Finlandyi, havorka idzie pra doŭhaterminovuju situacyju. Na praciahu viasny nie nazirałasia faktaraŭ, jakija možna ličyć istotnym źmianieńniem situacyi. Pry hetym nadychodziačaja viasna daje dadatkovyja mahčymaści da rostu cisku.
Na terytoryi Rasii pablizu ad miažy ź Finlandyjaj znachodziacca sotni, navat tysiačy ludziej, jakija zmohuć stać abjektam instrumientalizavanaj mihracyi ŭ Finlandyju», — zajaviła ministarka ŭnutranych spraŭ Finlandyi Mary Rantanien.
Čytajcie taksama:
Finlandyja siomy hod zapar pryznana samaj ščaślivaj krainaj u śviecie
Na terytoryi Finlandyi i Šviecyi ŭpieršyniu ŭ historyi projduć vučeńni NATA
«Voziera NATA». Jak Zachad pieramoh Rasiju ŭ Bałtyjskim mory biez adzinaha strełu
