Na adnoŭlenaj viežy Lubčanskaha zamka ŭstalavali kupał FOTA
Heta treciaja adnoŭlenaja vałanciorami vieža byłoj rezidencyi. Raniej kiraŭnik pracami na zamku adznačyŭsia hučnymi zajavami pra «zmaharoŭ».
Fota z pracesam ustanoŭki kupała na Paŭnočnuju (abo Dazornuju) viežu apublikavaŭ telehram-kanał «VKŁ».
Pavodle kanała, kupał byŭ pastaŭleny 29 sakavika. Sama kanstrukcyja była sabrana našmat raniej i doŭhi čas stajała na padvorku zamka.
Reniesansny zamak byŭ pabudavany ŭ kancy XVI stahodździa mahnackim rodam Kiškaŭ. U XIX stahodździ na terytoryi zamka byŭ pabudavany siadzibny dom. Da siaredziny XX stahodździa ad zamka zachavalisia tolki dźvie viežy.
Kupał Paŭnočnaj viežy na padvorku zamka ŭ 2021 hodzie
U 2003 hodzie pa inicyjatyvie byłoha vajskoŭca Ivana Piačynskaha byŭ zasnavany dabračynny fond «Lubčanski zamak» — kab adrestaŭravać pomnik architektury XVI—XIX st.
Pakolki kaštoŭnaść adnaŭlałasia na vałanciorskich pačatkach i entuzijaźmie adnaho čałavieka, za hetyja 20 hadoŭ čaściakom uźnikali pytańni da navukovaj adpaviednaści i zakonnaści rabot na zamku.
Ustanoŭka kupała na viežu Lubčanskaha zamka. Fota: telehram-kanał «VKŁ»
Kancepcyja vyhladu Lubčanskaha zamka paśla adnaŭleńnia. Fota: telehram-kanał «VKŁ»
Paŭnočnuju viežu adbudavali za rekordny adzin hod. Jak adznačajuć admysłoŭcy, jana taksama maje adroźnieńni ad zaćvierdžanaha pieršapačatkova prajekta.
U kancy 2020 hoda Piačynski adznačyŭsia hučnym zajavami. Pa-pieršaje, jon zajaviŭ, što rady lubym vałancioram i dadatkovym rabočym rukam — praŭda, kali tolki tyja nie ź bieł-čyrvona-biełym ściaham. Pa-druhoje, jon byŭ upeŭnieny, što «zmahary» pahaniać historyka-kulturnyja kaštoŭnaści.
Paśla hetaha vypadku vałancioraŭ na Lubčanskim zamku jaŭna pamienieła. Stabilna adnaŭlać zamak pryvodzili tolki studentaŭ, jakim vałanciorstva išło ŭ zalik letniaj praktyki.
«Naša Niva» — bastyjon biełaruščyny
PADTRYMAĆČytajcie taksama:
Maršruty dla padarožžaŭ pa Biełarusi. Bieły Koviel: Biezabaronny i nachabny
U Čyrvonym kaściole abiacali ŭ pieršym kvartale pačać budaŭničyja raboty. Što z hetym ciapier?
