Pamior biełarus Alim Kašavaraŭ, jaki hieraična ratavaŭ ludziej u «Krokus Sici Chole»
Jon atrymaŭ šmatlikija kulavyja ranieńni padčas žachlivaha teraktu ŭ kancertnym centry ŭ padmaskoŭnym Krasnahorsku ŭ minułuju piatnicu.
Pasolstva Biełarusi ŭ Rasii paviedamiła pra śmierć Alima Iosifaviča Kašavarava.
Jon atrymaŭ šmatlikija kulavyja ranieńni padčas žachlivaha teraktu ŭ «Krokus Sici Chole» ŭ padmaskoŭnym Krasnahorsku ŭ minułuju piatnicu
Daktary maskoŭskaj balnicy imia Botkina da apošniaha zmahalisia za žyćcio biełarusa.
Pasoł Biełarusi Dźmitryj Kruty vykazaŭ hłybokija spačuvańni svajakam zahinułaha. Pasolstva akazvaje ŭsiu nieabchodnuju dapamohu, u tym liku ŭ transparciroŭcy cieła Alima na Radzimu.
Pra Alima Kašavarava raskazaŭ supracoŭnik «Krokusa» Alaksiej Asanuškaŭ. Jany ŭ minułuju apynulisia na pieršaj linii — stajali na susiednich ramkach, a terarysty išli prosta na ich.
Kali pačałasia stralanina, mužčyny pačali ratavać ludziej.
«Jon vyskačyŭ na złačyncaŭ, kab niejak spynić ich, vyratavać ludziej, jaho adrazu pasiekli čarhoj», — raskazvaŭ Asanuškaŭ.
«Pierad nami byŭ natoŭp ludziej. I jany pačali ŭ śpiny stralać ludziej, jakija zachodzili praz ramki», — kazaŭ Asanuškaŭ.
Kali ludzi pačali ŭciakać, achoŭniki pačali ich evakujavać.
Jašče adzin achoŭnik ź Biełarusi Vadzim Kulik taksama zahinuŭ, jak zahinuła i biełaruska Hanna Vołkava.
Čytajcie taksama:
U «Krokusie» raspaviali, jak biełarusy-achoŭniki hieraična ratavali ludziej
«Jon u štučnaj komie». Baćka biełaruskaha achoŭnika z «Krokusa» pra stan syna
Što viadoma pra biełarusa Alima Kašavarava, jaki znachodzicca ŭ vielmi ciažkim stanie paśla teraktu
