Trecim horadam, jaki piarojdzie na elektratranspart, chočuć zrabić Navapołack
Navapołack, miarkujučy pa ŭsim, stanie trecim horadam u Biełarusi paśla Škłova i Žodzina, dzie ŭvieś hramadski transpart stanie elektryčnym.
Elektrobus vytvorčaści MAZ. Fota ilustracyjnaje
«Usie kažuć, što prajekt budzie pašyracca. Vydzielenyja hrošy na vytvorčaść i zakupku techniki sioleta. U nas na čarzie staić Viciebskaja vobłaść, chutčej za ŭsio, pramysłovy horad Navapołack», — zajaviŭ vice-premjer Piotr Parchomčyk, jakoha cytuje pres-słužba ŭrada.
Pa słovach čynoŭnika, va ŭsim śviecie pasažyrski i lehkavy elektratranspart nabirajuć papularnaść, i «Biełaruś nie adstaje ad hetaha ekanamičnaha trendu».
Raniej było zajaŭlena pra namier zamianić na elektryčny ŭvieś haradski hramadski transpart Žodzina i Škłova. Hety prajekt majuć namier realizavać da kanca 2026 hoda.
Čytajcie taksama:
Jak vyhladajuć elektrobusy, što pieradali Škłovu
Dola elektratranspartu ŭ haradskich pieravozkach Minska — amal pałova
Škłoŭ i Žodzina ŭ nastupnym hodzie całkam pieraviaduć na elektrobusy — Hałoŭčanka
