Sabalenka nie zmahła vyjści ŭ čaćviorty kruh turniru ŭ Majami
Aryna Sabalenka vyrašyła vystupać na turniry ŭ Złučanych Štatach, niahledziačy na śmierć svajho chłopca.
Aryna Sabalenka vystupaje suprać Anhieliny Kalininaj z Ukrainy ŭ trecim raundzie ŭ 8-y dzień adkrytaha čempijanatu Majami. Fota: Robert Prange / Getty Images
Druhaja rakietka śvietu vyjšła na kort suprać ukrainskaj tenisistki Anhieliny Kalininaj (32-hi radok u rejtynhu). Aryna Sabalenka prajhrała z 4:6, 6:1, 1:6.
Raniej stała viadoma, što Kanstancin Kalcoŭ, jaki znachodziŭsia ŭ stastunkach z Arynaj Sabalenkaj, zahinuŭ u Złučanych Štatach. Amierykanskaja palicyja pryjšła da vysnovy, što jaho śmierć nie maje prykmietaŭ złačynstva i, vierahodna, zjaŭlajecca samahubstvam.
Biełaruskaja tenisistka pryniała rašeńnie nie zdymacca z turniru ŭ Majami paśla trahičnaha zdareńnia i vyjšła na kort, paviedamiŭšy papiarednie, što nie budzie razmaŭlać z žurnalistami.
Viktoryja Azaranka vyjšła ŭ nastupny raŭnd turniru ŭ Majami. Jana vyjhrała matč u pradstaŭnicy Kitaja Sińvień Čžeń u dvuch setach ź likam 6:4, 7:5. Ciapier joj treba budzie zhulać z Keci Bułtar ź Vialikabrytanii. Viktoryja Azaranka zjaŭlajecca trochrazovaj čempijonkaj turniru ŭ Majami.
Čytajcie taksama:
Sabalenka pra hibiel Kalcova: Choć my bolš nie byli razam, majo serca raźbitaje
