Vałavy zamiežny doŭh Biełarusi źniziŭsia za hod na 7,3%
Vałavaja zamiežnaja zapazyčanaść Biełarusi na 1 studzienia 2024 hoda skłała 36,875 miljarda dalaraŭ. Za hod jana źniziłasia na 7,3%, vynikaje sa źviestak, apublikavanych Biełstatam.
U tym liku zamiežny doŭh siektara dziaržaŭnaha kiravańnia pamienšyŭsia na 8,4% da 16,95 młrd dalaraŭ, a doŭh depazitnych arhanizacyj — na 14% da biez małoha 5,5 młrd dalaraŭ. Inšyja siektary skaracili doŭh na 4,2% da 12,24 młrd dalaraŭ. Mižfirmiennaje kredytavańnie vyrasła na 3,45% da 2,2 młrd dalaraŭ.
97,3% daŭhavych abaviazacielstvaŭ Biełarusi byli naminavanyja ŭ zamiežnaj valucie, a 2,7% — u nacyjanalnaj.
Abjom karotkaterminovaha doŭhu składaŭ 10,4 młrd dalaraŭ, a doŭhaterminovaha — 26,5 młrd dalaraŭ.
U struktury zapazyčanaści siektara dziaržkiravańnia 2,674 młrd dalaraŭ prypadała na daŭhavyja kaštoŭnyja papiery, a 14,273 młrd dalaraŭ — na kredyty i pazyki.
Čytajcie taksama:
Siaredni zarobak u studzieni śpikiravaŭ adrazu na 280 rubloŭ. Ale nie śpiašajciesia zasmučacca
Biełarus u siarednim tracić za dzień 21 rubiel 60 kapiejek
JEABR prahnazuje biełaruskaj ekanomicy samy chutki rost za 10 hadoŭ
