Futbolnaja zbornaja Biełarusi zhulaje ŭ Minsku tavaryski matč z Rasijaj
Matč projdzie ŭ červieni.
Zbornaja Biełarusi. Fota: ABFF
«My damovilisia ab praviadzieńni hulni sa zbornaj Biełarusi. Matč płanujecca ŭ červieni na vyjeździe, u Minsku», — skazaŭ prezident Rasijskaha futbolnaha sajuza Alaksandr Dziukaŭ.
Futbolnyja kamandy Rasii paśla poŭnamaštabnaha ŭvarvańnia va Ukrainie adchilenyja ad mižnarodnych spabornictvaŭ i apošnija dva hady zbornaja pravodzić tolki tavaryskija matčy ź niatopavymi kamandami Afryki, Azii i Kuby. Najbližejšyja hulni futbalisty RF praviaduć u sakaviku suprać kamand Sierbii i Parahvaja, piša «Sputnik».
Zbornaja Biełarusi maje prava ŭdzielničać u mižnarodnych spabornictvach pad ehidaj FIFA i UEFA. Adzinaje abmiežavańnie — chatnija matčy kamanda pavinna pravodzić na niejtralnaj terytoryi. Biełaruskija futbalisty praviaduć dva sparynhi 21 i 26 sakavika — suprać Čarnahoryi i Malty.
U vieraśni 2024 hoda nacyjanalnaja kamanda pačnie novy hulniavy cykł u Lizie Nacyj.
Čytajcie taksama:
Hulec BATE paśla hoła pabieh śviatkavać da treniera supiernikaŭ. Što było dalej?
Zbornaja Litvy nie choča hulać ź biełaruskami ŭ futboł. I navat zhodnaja na dźvie techničnyja parazy
Łukašenka nazvaŭ vystupy biełaruskich futbalistaŭ ničoha nie vartymi
