U Śvietłahorsku ŭžo praź miesiac paśla adkryćcia ladovaha pałaca stali pierarablać jahony fasad FOTY
Partał «Śvietłahorski biznes» apublikavaŭ fota, na jakich vidać novaje «dyzajnierskaje rašeńnie» adnosna ŭdaskanaleńnia tolki 31 studzienia adkrytaha miascovaha ladovaha pałaca: tanny fasad ź mietałaprofilaŭ stali ŭpryhožvać panelami «pad dreva», piša «Fłahštok».
Hetyja raboty — pazapłanavyja. Mantažniki navat nie stali zdymać nadpis na fasadzie i prosta padrezali paneli «pa miescy».
Fota: «Śvietłahorski biznes»
Uvohule budaŭnictva ladovaha pałaca ŭ Śvietłahorsku praviali značna praściej i tańniej, čym płanavałasia spačatku bolš za 10 hadoŭ tamu. U novym prajekcie prapała pieršapačatkova praduhledžanaje panaramnaje škleńnie druhoha paviercha, dla ekanomii navat admovilisia ad kvadratnych aluminijevych panelaŭ. Zamiest ich fasad azdobili tannym mietałaprofilem, jaki zvyčajna vykarystoŭvajuć dla pakryćcia prypynačnych paviljonaŭ.
Śvietłahorski ladovy pałac u dzień adkryćcia 31 studzienia 2024 hoda. Fota: telehram-kanał «Homielŝina oficialno»
Čytajcie taksama:
U Śvietłahorsku narešcie adkryli ladovy pałac. Jaho budavali z 2012 hoda
U adnym ź minskich parkaŭ prapanujuć pabudavać viežu vyšynioj 50 mietraŭ. I kab jana ruchałasia
U Kruhłym pradajuć fantan. Ale za hetym staić trahičnaja historyja