Biełarus zabłukaŭ u tajłandskim lesie, jaho šukali ŭsiu noč
Na vostravie Pchukiet u Tajłandzie ratavalniki dapamahli 23-hadovamu biełarusu vybracca z hornaha lesu, paśla taho jak jon zabłukaŭ tam nočču. Pra heta paviedamlaje «Biełaruś i śviet» na padstavie paviedamleńnia miascovaj presy.
Biełarus čakaje łodku ratavalnikaŭ na skale kala vady. Fota: Bangkok Post
Uviečary minułaha paniadziełka naš suajčyńnik, jaki žyŭ u hateli ŭ rajonie Tchałanh, adpraviŭsia ŭzdoŭž plažu Naj-Tchon da najbližejšaj pakrytaj lesam hary, karystajučysia kartaj na svaim mabilnym telefonie. Adlehłaść, jak turyst raskazaŭ paźniej, była jak by i nievialikaja, ale praź niekatory čas jon zrazumieŭ, što straciŭ aryjentacyju i nie moža znajści darohu nazad.
Tamu ŭ 23.18 małady čałaviek patelefanavaŭ na haračuju palicejskuju liniju dla turystaŭ 1155. Miascovyja pravaachoŭniki vyśvietlili ŭsie abstaviny i paćvierdzili kaardynaty miescaznachodžańnia biełarusa z dapamohaj danych GPS na jaho smartfonie.
Na dapamohu zhublenamu adpravilisia na łodkach ratavalniki, jakija ŭžo paśla paŭnočy znajšli jaho, akazaŭšy dapamohu.
Čytajcie taksama:
Paru ź Biełarusi vykrali i abrabavali rasijanie ŭ Tajłandzie
