Polšča inicyjuje zabaronu na ŭvoz u Jeŭrasajuz sielskahaspadarčaj pradukcyi z Rasii i Biełarusi
Premjer-ministr Polščy Donald Tusk paviedamiŭ pra namier inicyjavać uviadzieńnie «poŭnych sankcyj» na impart u Jeŭrasajuz sielskahaspadarčaj i charčovaj pradukcyi ź Biełarusi i Rasii, paviedamlaje Onet.pl.
Donald Tusk. Fota: AP Photo/Mindaugas Kulbis
«Ja chacieŭ by paviedamić vam, što siońnia paśla viartańnia ź Vilni ja źviarnusia da staršyni Siejma z prapanovaj rezalucyi, jakaja zaklikaje Jeŭrapiejskuju kamisiju ŭvieści poŭnyja sankcyi ŭ dačynieńni da rasijskaj i biełaruskaj sielskahaspadarčaj i charčovaj pradukcyi», — skazaŭ polski premjer na pres-kanfierencyi ŭ Vilni, dzie jon pravioŭ pieramovy z kiraŭnictvam Litvy.
Pavodle słoŭ Tuska, havorka idzie pra toje, kab uzmacnić sankcyi ŭ suviazi z napadam Rasii na Ukrainu i supracaj Biełarusi z RF. Pavodle premjera, rynak sielskahaspadarčaj i charčovaj pradukcyi krain Jeŭrasajuza maje patrebu ŭ bolš efiektyŭnaj abaronie.
«Pierakanany, što ahulnajeŭrapiejskaje rašeńnie budzie nieparaŭnalna bolš efiektyŭnym, čym asobnyja rašeńni krainaŭ rehijonu», — dadaŭ polski premjer.
Raniej pra toje, što ŭłady Polščy źbirajucca pracavać nad uviadzieńniem embarha na sielskahaspadarčuju pradukcyju ź Biełarusi i Rasii, Tusk zajaviŭ 29 lutaha paśla sustrečy ź lidarami pratestujučych u Polščy fiermieraŭ.
Čytajcie taksama:
Polšča moža ŭvieści embarha na sielskahaspadarčuju pradukcyju ź Biełarusi i Rasii
Łatvija zabaraniła ŭvoz sielhaspradukcyi ź Biełarusi i Rasii
