Roŭna adzin fakt, jaki čarhovy raz tłumačyć, što vybary-2024 — biazdarny śpiektakl
Na sajcie Minskaha abłvykankama apublikavany pieralik asobaŭ, vyłučanych kandydatami Minskaha abłasnoha Savieta deputataŭ. Što ŭ hetym śpisie kidajecca ŭ vočy?
Lidzija Jarmošyna ŭžo nie ŭznačalvaje Centrvybarkam, ale stvoranaja za jaje časami sistema zrežysavanych vybaraŭ žyvie i kvitnieje
Ahułam stvorana 51 akruha. I pa ich vyłučana 102 kandydaty. U absalutna kožnaj akruzie roŭna pa dva čałavieki, nie bolš i nie mienš.
Čamu nie adzin? Nu, treba ž imitavać alternatyvu. Čamu nie try ci čatyry? A dzie nabrać achvotnych udzielničać u hetym cyrku.
Mahčyma, što navat śpis budučych pieramožcaŭ składali ź ciažkaściu, bo praca ŭ abłasnym saviecie deputataŭ biaspłatnaja. Ludzi zastajucca na raniejšych miescach pracy, ale atrymlivajuć dadatkovuju sacyjalnuju nahruzku.
