Miaśnikovič pakidaje pasadu staršyni JEEK
Hetu pasadu eks-premjer Biełarusi zajmaŭ čatyry hady.
Contributor / Getty Images
Były premjer-ministr Kazachstana (z 2016 pa 2019 hod) Bakytžan Sahintajeŭ źmienić Michaiła Miaśnikoviča na pasadzie staršyni Kalehii Jeŭrazijskaj ekanamičnaj kamisii. Pra heta stała viadoma na pasiadžeńni Vyšejšaha Jeŭrazijskaha ekanamičnaha savieta ŭ Sankt-Pieciarburhu, piša BiełTA.
U lutym 2020 hoda staršynstva ŭ Kalehii Jeŭrazijskaj ekanamičnaj kamisii pierajšło da Biełarusi, i takim čynam respublika atrymała prava pryznačyć na čatyry hady svajho staršyniu Kalehii JEEK. Hetuju pasadu tady zaniaŭ staršynia na toj čas Savieta Respubliki Michaił Miaśnikovič.
U 2024 hodzie staršynstva ŭ Jeŭrazijskaj ekanamičnaj kamisii pierachodzić da Kazachstana. I na nastupnyja čatyry hady, heta značyć z 2024 pa 2028 hod, staršynioj Kalehii JEEK stanie pradstaŭnik Kazachstana.
Uładzimir Pucin padziakavaŭ Michaiłu Miaśnikoviču za važki ŭniosak u raźvićcio Jeŭrazijskaha ekanamičnaha sajuza. «Jon sapraŭdy šmat zrabiŭ, kab kamisija pracavała rytmična, efiektyŭna», — skazaŭ Uładzimir Pucin.
Bakytžan Sahintajeŭ apošnim časam zajmaŭ pasadu člena Kalehii (ministra) pa ekanomicy i finansavaj palitycy JEEK.
Čytajcie taksama:
