Maryja Zacharava prezientavała pieśniu — muzyku dla jaje napisaŭ viadomy biełaruski kampazitar
Kali pry dvary Łukašenki hałoŭnym piesieńnikam stała jaho niaviestka, to ŭ Kramli svoj «bard». Aficyjnaja pradstaŭnica MZS Rasii Maryja Zacharava na svoj dzień naradžeńnia prezientavała pieśniu pra Kalady.
Fota: Maksim Konstantinov / Getty Images, centr «Spamaš»
Prezientacyja prajšła ŭ domie pryjomaŭ MZS Rasii, paviedamlaje RBK.
Słovy napisała sama Zacharava, a muzyku — biełaruski kampazitar Leanid Šyryn. Vykanała pieśniu 16-hadovaja dziaŭčyna ź Biełarusi Ksienija Haleckaja, klip źniaŭ mastak Nikas Safronaŭ.
Leanid Šyryn z 1988 pa 1995 hod byŭ udzielnikam papularnaha rok-hurta «Novaje nieba», dla jakoha hetak ža pisaŭ muzyku i rabiŭ aranžyroŭki. Zatym doŭhi čas kiravaŭ studyjaj estradnaj pieśni Biełaruskaha dziaržaŭnaha ŭniviersiteta. Idejny natchnialnik, muzyka i kampazitar hurta «DaVinci» — ź im vystupaŭ Dzianis Dudzinski.
Ciapier Šyryn — mastacki kiraŭnik u pradziusarskim centry «Spamaš».
Heta nie pieršaja pieśnia Zacharavaj. U 2017 hodzie śpiavačka Narhiz vypuściła kampazicyju na jaje słovy «Viarnicie pamiać», u 2020 hodzie vyjšaŭ duet Maksima Fadziejeva i Valeryi «Da miažy».
